KYA TUM INSAAN HO??

KYA TUM INSAAN HO?

KHAOF K LAMHOON NEY
ZINDAGI KI CHEEKHOON NEY
MAOT KI KHAMOSHI NEY
MUJH SE AAJ PUCHHA HAI...
KYA TUM INSAAN HO?

Jo aapney hi hathoon sey
apney hi bhaiyoon ko
kisi masoom phool ko
kisi komal kali ko
maaon ki mamta ko
behnoon k sohagoon ko
khaof-o-haras ki aahdi main
zulm k toofan main
abdi neend solatey ho
KYA TUM INSAAN HO?

Kis ki khatir larhtey ho?
kis ki khatir martey ho?
yeh kis mazhab main likha hai?
yeh kis maslik ki batain hain?
k wehshi darindoon k jesey
yoon aal-e-Adam-o-Hawwa ka
tum khoon bahatey ho
KYA TUM INSAAN HO?

Koi science bata sakti hai
khoon k mushahedey sey
k yeh kisi muslim ka hai
woh hindu ya christen ka
is ka rang kala hai
us ka rang nila hai
("apne chehrey ko ranga hai apne hi laho sey,
isaaniyat to itni gunahgaar nehi hoti......")
ilm k bojh main dabb kar bhi
phir bhi kitney jahil ho
KYA TUM INSAAN HO?

Jala dalo sabi bandooqain
tabah kar do yah bomb,missile
fana kar do jangi jahzoon ko
bujhao nafrat ki chingari
jalao dosti ki shama
roshan karo chiraagh-e-amn
kya itna tum dey saktey ho...?
apne aaney waley kal ko....
haan... tum dey sakte ho...
AGAR TUM INSAAN HO TO.......!
KYA TUM INSAAN HO?????

By; Abrar Gulshan