MERI TAMEER..

Meri Tameer

Sadiyaan beet gein yuhi adhoora mehsoos karte karte
Na jaane kaun chhor gaya mujh ko tameer karte karte?

Kaha tha wajood ka malbah kisi koone main rakh dena

Warna umr lag jaaye gi meri zaat yakja karte karte

Mushkil to hargiz na tha qaid-e-maazi se niklna

Dar-e-maazi par hi pahncha har bar chalte chalte

Zameeroo ki adalat main jab hote hain fesle

Jeewan beet jate hain phir khud se larte larte

Mere khayal ki nagri bhi jese moom ke jesi thi

Har hasrat piglaa gey mere khoowaab jalte jalte

Bantne hoo zamaane ko jis ne ujaaloo ke tohfe

Kei aur chragh jalaey woh chragh bujhte bujhte

Aalam-e-mayoosi main umeedain zinda rakh Gulshan

Warna maar detti hain yeh umeedain marte marte

By; Abrar Gulshan