KOUN JANE

KOUN JANE...Naseem-e-sub ke mast jhunke se
Sare Gulshan main bas ik shakh pe
Li angrai kisi ghunche ne
Muatar the sare chamn….
Khazaanzada ik Andaleed
Soch main doobi
Pehle to na thi aesi fiza
Aur aaj…
Yeh kon aaya kon hai kahan hai…
Urti phirti gati
Is dali kabhi us
Khushi ki mari
Who pagli diwani…
Aan bethi shakh-e-gul pe
Takmeel hui zindagi ki
Khushiyoo khuwaishoo
Armanoo ki…
Kis jahaa main kho gai
Koun jane

Sham ki surkhi
Rukh-e-gul aur
Who diwani….
Phir…..
Phir achanak
Lashaoor main
Kehin kisi goshe main
Kuch kho jane ka dar
Is samt kabhi us soo
Kuch aahatain kuch saaye
Aur Andaleeb
Kuch phir soche
Koun janeWho kya soche…….?

A. Gulshan

YAAD HUMAIN TUM KAR LENA…

YAAD HUMAIN TUM KAR LENA…

Jab koi na ho paas tumhare yaad humain tum kar lena
Jab sara alam so jaye to yaad humain tum kae lena

Jab band ho aankh neend ki devi le tujhe aaghosh main
Jab khuwab suhana koi aaye yaad humain tum kar lena

Kya hai doori yaadain kya aur kya tanhai hai
Jab gali se guzre koi diwana yaad humain tum kar lena

Kehain chand kehain charagh aur kehain roshan shama
Jab jal mare koi parwana yad humain tum kar lena

Door talak na ho manzil aur na koi ho rasta
Jab khud se door hune lago yaad humain tum kar lena

Gar aakash ki rangeen chadar pe chamk rahe hoo do tare
Toot gire jab ik tara to yaad humain tum kar lena

Jate ho to jao tum tanha hum ko chhor ke
Na loto koi baat nehi par yaad humain tum kar lena

Jo doobne lago zeest ke is bhanwar main tum Gulshan
Barha ke aage apna hath yaad humain tum kar lena

A. Gulshan

BAS ITNA BTA DO

BAS ITNA BTA DO

Mian dekhti rahi
Apni khirki se pura chand
Chandani ko sath liye
Jese jahank raha ho
Mere kamre main,
Main gate se baher
Gali se guzrti garian
Har aik ko dekhti
Sochti yeh ruke gi
Ab horn ki aawaz aaye gi
Aane do unhain
Main nehin bolo gi khud se keht........
Ap nehi lekin
Thandi hawa ke jhunke
mujh ko chhote huwe
Kamre main hote rehe dakhil.....
Dheere dheere gariyan bhi kam hui
Mere intazar ki shama bhi madham hui
Chandani bhi kamra chhor ke chali gai
Chand bhi agle Safar pe chal diya
Phir…….
Phir subo ka Tara jalwagar huwa
Deep meri chahat ke bujhne lage
Aur main rote rote
Apne bistar se
Armanoo ki kaliyan chunti rahi
Ik ik lamhain main
Hazar motain dekhin
Mere jazboo ne
Latak rahi thi intazar ki sooli pe
Meri khuwahishoo ki barhana lashain
Kitne khayaloo ki aahatain
Darati rahi raat bhar
Khairiyat to hai
Phon bhi nehain kia
Yaaaa……
Ya kisi aur zulf-e-haseena------
Is aahat pe to kanp uth'ti
AB AAYE HO
TO KYA KAHOO...
KYA PUCHHOO …
KUCH NEHI……
BAS ITNA BTA DO
KE AAP
KAL RAAT KAHAN THE…?

A.Gulshan

FAREWEL POEM

KOI ATA TO KOI YAHAN JATA RAHE GA, ,
TERA KHALOOS HUMAIN SADA YAAD RAHE GA, ,

JAB BHI HO GI GARDASH-E-DORAN KI TAPTI DHOOP, ,
HUMARI DUAAOON KA SAYA TERE SATH RAHE GA, ,

KOI LE PAYA HAI KAHAN MAQAM KISI KA, ,
TERA NAAM YAHAN ZINDA-O-JAVED RAHE GA, ,

ZINDAGI MAIN HAR GAAM PE HOON KHUSHIYAN HAZARØON, ,
IN TAMANAAOON KA HAR GAAM PE TERA SATH RAHE GA, ,

KAHAN MILTE HAIN GULSHAÑ AESE LOG JAHAN MAIN, ,
AESE LOGOON KI MEHFIL KA INTAZAR RAHE GA. !!!!!

YAAD NEHI

YAAD NEHI

Tu mila tha kab kahan bichhra tha ab yaad nahi,
Tu mujh main tha ya main tujh main ab yaad nahi,

Naqab sadiyoon k ulte to tu nazar aaya,
Kese lamhoon ne tujhe gunwa diya ab yaad nahi,

Teri yaad ki bahar dil main aur aankh main sawan,
Tu mera geet tha ya koi ghazal ab yaad nahi,

Mangi thi Khuda se khud se milne ki dua tu ne,
Gulshan teri dua tujhe yaad hai k ab yaad nahi

IS K SIWA KUCH NEHI

By; Abrar Gulshan

MERE KHAYAL

MERE KHAYAL

Mere khayaloo k khayal main ik khayal tera hai,
Is khayal main khayaloo ka khayal nehin rehta,
Dhundta rehta hoo tujhe aahat main kabhi dharkan main,
Kyu toote phoote hain darodiwar dil ke is tarha

Tere siwa to is ghar main koi aur rehte

Tu mera saya hai to mere sath kiyu nehin rehta,
Yeh zulmat-e-shab aur wehshi yadoo k darinde,
Gulshan teri tarha yoo jangal main koi nehin rehta. !

DEHSHATGARDI

Barood ki boo hai Gulshan band rakho dareechoo ko,
Zindagi k aangan main dhamakoo ki aawazain hain। !

KHO JAO GAY...!

KHO JAO GAY

Duniya ki is bhir main tum b kehin kho jao gay,
Ab lot jaao tum apnoo main warna kehin kho jao gay,
Jalaye rakho wafa ka diya roshan hai jis se hayat,
bujh gai gar yeh shama to zindagi kho jao gay,
Jiski justaju main phirte ho muqadar k sehra main,
Woh na mila to qismat ki lakiroo main kho jao gay,
Sham hune se pehle pehle pahncho apni manzil pe,
Sham dhale o nadaañ Gulshan rahoo main kho jao gay. !

GUZARISH....

GUZARISH

Mere dost
apni dharkan ko
iltaja ka roop dekar
apni har sans ki
iltaja o iltamas ko
yakja kar k
mangi thi main ne
har khushi teri
Main janta hu
tu kisi or k
daman ki kali hai lekin
phir bhi teri
bhini bhini khushboo
aati hai
gahe gahe
ghuli rehti hai
sansoon ki mehak main...
Tere aks k kuch khake
khayal k siyah khane main
rang bharte hain...
Mere dost...
dushman nehi hu
main apna
k apni dua ki qabooliyat ki
dua na karoon
ke yeh kali,
sada mehkti rahe
iski khushoo se
muatar ho
yeh jahaa sara
is ke aks
main
qos-e-qaza ka noor ho...
PAR
ik GUZARISH hai
ke agar kbhi
meri dosti bojh ban jaye
to hichkichana mat
keh dena k tum
zindagi k is warq ko
ulta dena chahte ho...
PHIR,
kabhi nehi dekhoo ga rah teri
kabhi na karo ga tujh se milne ki khuwahish...
Teri yaadoon ko
lapete
apne dil k boseeda labade main..
Teri duniya
Tere kooche se
kehain dooooor
bohot door chala jaaoon ga
itni door
janhan pahanch na paaye
Khayal tera...
IS GUZARISH
KI GUZARISH HAI...
JAB THAK JAAO.....
TO.....KEH DENA.!

KASH

AIK DOST ki walidah k intaqal par jab who pardes main tha, Meri maa kash ap keh deti ajal se aik bar abhi nahi yahan mera munna mera lal mere jigar ka tukra woh mera dost hai main uski raazdaan hoon Aaj palat jaao aa jane do usko aik baar dekh to le woh mujh ko main usko aakhri baar diyar-e-ghair ko waqt-e-rukhsat woh bohot roya tha gale laga kar main b sarapa dua thi us k liye.... KASH Tum itna jan sako k jab woh wapas aaye ga to dhoonde ga muje kabi yahan kabi wahan kabi ghar k andar kabi baher puche ga har kisi se apne bhaiyoon se apni behnoo se .....kahan hain AMMI... Koi nahi bole ga par koi to lab khole ga K TUMHARI MAA..... ....TooooT jaye ga...woh yaad aaye ga use jab bachpan apna roz-e-awal se le kar waqt-e-rukhsat tak ik ik pal tarpaye ga usko lot jaa tu aaj ae ajal aa jana phir kabi lot aane de mere laal ko... ...Use apni ankhoon main bsa loon to phir koi gham nehi.... KASH MAA.... Ap keh deti yeh sab to mot b lot jati darwaze se....: AUR... MAA Ab jo main lot k aaoon ga teri yaadian meri bebasi meri majburi meri laachargi meri badnaseebi mere sath ho gi kitni hasrat se dekhain gi bebas aankhain us raaste ko jo ghar ko jata hai us raaste pe kabi mere nanne paoon sharrart se uth'te the tere qadmoon k sath mere masoom haathoon ki naazuk ungliyaan tere dast-e-mehrbaan main mehfooz samjhti thi khud ko... Kese utha paaoon ga main apne qadmoon ko..... Phir... Teri yaad k sath sath chal paroon ga raaste k sab shajr woh pathar woh boote Dekhain ge mujh ko sawaliya nazroon se poochhain ge akele kiyoon ho aaj.... Aur phir.... us ghar ka aangan udas ho gaa mujhe dekh kar sisak parain ge dar-o-diwar ro doon ga main bhi unhain gale laga kar.... Bohot log aaian ge wahan mujh se milne mere daain baain aage pichhe koi khara koi betha koi sofe pe koi kursi pe koi sehen main pari chaarpai pe par us hajoom main nazar nehi aae ga woh mamta bhra aanchal jis k saae main kuch der bethoon apni jannat k pehlo main kuch baatain karoon kiya beeti diyar-e-ghair main aghyaaroon main..... Us bhir main meri nazrain teri surat ki matlashi shikwa karain gi us matti se un hawaoon se un khetoon se un khilyaanoon se..... Roka kiyoon nehi... Meri Maa ko... Ro parhain ge tere gham main woh b mere sath Ro pahain ge suraj chand aur sitaare mere sath Tamam umar judai teri ka gham rahe ga mere sath Main bhi maa tere gham ko lagaye rakhoon ga dil k sath..!  By; Abrar Gulshan

CHHOR GAYA..

Zulmatoon k shehr main woh mujhe tanha chhor gaya
Apne pichhe yaadoon k woh ik hajoom chhor gaya
Barsoo ka tha woh makeen mere dil ki basti ka
Kese har ik ghar main woh aag laga kar chhor gaya
Kaghazoo se baatain kar k aankh nam ho jati hai
Aesi kuch tehreerain apni pas mere woh chhor gaya
Kabi kabi bas yuhi Gulshan* dharkan dharkan tez ho jati hai
Chala gaya par apne qadmoo ki aahat woh chhor gaya. !

DO SHAER.

@.Kisi se milne ki khushi na judai ka gham,
Hum ne begana kar diya hai khud ko apne se.

@. Jab koi dost kehta hai to dil kanp jata hai,
Kitni bar mila dard is dost se mujhe. !

KAHAN HO TUM?

KAHAN HO TUM?

Tere naqsh-e-pa pe chal kar main tujh tak aa to jata,
Ik tufan ja raha tha tera har nishsan~ mittata,

Main ne khud ko apne hathoon tere sath kho diya tha,
Mujhe apni khabr nai thi kese tujhe dhundh k lata,

Teri wafa pe hoon nisar meri zindagi k lamhain,
Mujhe mujh se kon bachata agar bewafa tu hota. !

Tera tassawor kabhi qatil aur hai kabhi masiha,

kabhi de mujhe amrat kabhi zehr hai pilata..!

Jis lamhain main Gulshan so bars tha mujko jeena

Us zindagi ke pal main tera saath kaash hota.......

ON LABNAN WAR.

Sadiyu k oraaq(pages) ulte par aesi tareekh nehi dekhi,
Tareekh main aj jesi tareekh nehi dekhi,
Mazlum kahan fariyad kare is ehd-e-sitam main,
Main ne duniya main insaf ki adalat nehi dekhi,
Ae zalmo gul-e-bejan(dead child) ki qba(body) se lipat kar,
Tum ne maa main dam torti woh mamta nehi dekhi,
Apne chehre ko ranga hai apne hi lahoo se,
Insaniyat to itni gunahgar nehi hoti,
Behis hue hum k apne bahi ki lash par,
Kisi ankh main kisi ne koi nami nehi dekhi,
kya zinda hai umat zara dekh to gulshan~,
Main ne akhoowat ki is main woh garmi nehi dekhi. !

BACHA DOR-E-HAZAR KA.

Har bacha dor-e-hazar ka ab uth k hum se puche ga,
Gun or goli k alawa virse main kya mile ga,
Khun ka qarz is k sar hum jo chor k jain ge,
Kal koi qatil koi bismel koi daar pe latke ga,
Mashal-e-dosti aj hum thama dain is k hath main,
Kal khun alooda khanjar ko ye hath nai lagaye ga,
Aj K is bache ko sulao aaghosh-e-amn main,
Kahain kisi dhamake main warna ye mar jaye ga,

Gulshan na hosh main aaye to yeh b apni kei nasalain,
AAne wali sadiyu tak jang k naan kar jaye ga. !

MERE KHAYALU MAIN.

Mere khayalu ki wadi main mere sath rehne wale,
Kyu chor gaya hai mujh ko beaas besahare,
Main dhund raha hu tujh ko apni soch k bhanwar main,
Meri aah ro rahi hai teri yaad k kinare,
Dekh zeest ka suraj b doob raha hai aakhir,
Sham dhalne se pehle ghar ko lot aane wale,
Kal sham koi gulshan tera pata puch raha tha,
Main ne kaha nehi phir milte jo hu zindagi se hare. !!

MAA KE NAAM

MAA

Tere jigar ka tukra hu main lot k aa jau ga,
Na karna koi mera gham main lot k aa jau ga,

Jab yaad meri ane lage shiddat se ae meri maa,
Keh dena bas aik bar main lot k aa jau ga,

Teri mamta tera piyar muje tarpata hai har pal,
Jo ghabrae ga ye dil main lot k aa jau ga,

Sare chen sare sukh sare jahaa ki kul khushiyan,
Sab kuch kar k tere naam main lot k aa jau ga,

Koun Jane zindagi kis ki kitni baqi hai Gulshan,
Gar hua naseeb main milna main lot k aa jaau ga. !!

PARDES JATE WAQT

Har kisi ko aakhri salam kar k main chala aya,

Ansu har ik ankh main chor k main chala aya,

Jald lot k aa jau ga yeh keh k main chala aya,

Apne kandhu pe apni lash le k main chala aya !

Nakam musafir

@. Gulshan tu b ik qatra hai duniya k samundar ka,
Aur har qatra hai samundar baat aesi bhi nahi !

@ Kisi ki nehain apni khater lot aao Gulshan
kya khud se yoon kara hai khud ko juda koi. !

@jo karhi dhoop main dhoondhe kuch aasmanoo mai

kar sakta hai us k ghar main ujala koi. !

"PARDES KI EID" Poetry (Urdu Shayari)

PARDES KI EID.....

پردیس کی عید۔۔۔۔

Apne watan se door bethe yeh Eid b guzri hai,
Kya kahain kya batlain kese Eid ye guzri hai.

اپنے وطن سے دور بیٹھے یہ عید بھی گزری ہے

کیا کہیں کیا بتلا‏ئیں کیسے عید گزری ہے

Apni basti ka har chehra ghoom raha tha ankhu main,
Dhundli dhundli yaadoo main apni Eid yeh guzri hai.

اپنی بستی کا ہر چہرا گھوم رہا تھا آنکھوں میں

دھندلی دھندلی یادوں میں اپنی عید یہ گزری ہے

 

Jis tafr b uthi nazar surtain thi aghyaaoon ki,
Beech hajum main b tanha apni Eid heh guzri hai.

جس طرف بھی اٹھی نظر صورتیں تھیں ا‏‏غیاروں کی

بیچ ہجوم میں بھی تنہا اپنی عید یہ گزری ہے

Hum sukhn, hum zubaa, hum nuah koi na tha,

Gunge behroo ki tarha apni Eid yeh guzri hai.

ہم سخن، ہم زباں، ہم نوا کوئ نہ تھا

گنگے بہروں کی طرح اپنی عید یہ گزری ہے

Khushi khushi lote hoo ge log apne gharoo ko,

Pardes k is sehra main apni Eid yeh guzri hai.

خوشی خوشی لوٹے ہوں گے لوگ اپنے گھروں کو

پردیس کے اس صحرا میں اپنی عید یہ گزری ہے

Ab nehi to agli bar chale chalian ge apnoo main,

Isi aas k sahare apni Eid ye guzri hai.

اب نہیں تو اگلی بار چلے چلیں گے اپنوں میں

اسی آس کے سہارے اپنی عید یہ گزری ہے

AAj ke din mat chhero Gulshan is fasane ko,
Aese hi guzrani thi jese Eid ye guzre hai!!

آج کے دن مت چھڑو گلشن اس فسانے کو

ایسے ہی گزرنی تھی جیسے عید یہ گزری ہے

By, Abrar Gulshan

ابرار گلشن

MERE DOST

Ae mere dost mere labu pe tere liye dua ke siwa kuch nai
Ae mere Khuda mere is dost ko
Mere tanha lamhu k sathi ko
Shafa naseeb farma apne habib k sadqe.