TOHFA....!

chehere ki in jhoriyoo pe!

na itna heraan ho tum..

yeh zindagi ki musafat ka..

waqt ki inayat ka..

zamane ki berehmi ka..

farz ko nibhane ka..

apne jigar k goshoon main..

khud ko bant lene ka..

sinf-e-nazuk hune ka..

apne andar hi andar..

ghoott k jee lena ka..

khushiyoon ki dehleez pe..

armanoo ki lashoon ka..

roz-e-awwal se le kar..

aaj b bint-e-hawwa ko..

aaj b iban-e-aadam ko..

YEH UMAR-E-RAWAA KA TOHFA HAI..!

By; A. Gulshan